8. Nukissiuutit akii
2020-mi agguaqatigiissillugu motorbenzinamut 5,20 kr. literimut akigitinneqarpoq ukiup siuliani 5,12 kr.-iusoq. 1,6 pct.-imik qaffassimalluni. 2020-mi angerlarsimaffinni gasolia atorneqartartoq literimut 5,35 kr.-iuvoq, ukiup siuliani 1,6 pct.-imik appasinnerulluni 5,27 kr.-iusimavoq. 2011-mi januaarip aallaqqaataaniilli avatangiisinut nukissiuutit akitsuuserneqarmatali akitsuut literimut 0,10 kr.-iusimavoq.
2020-mi kWh-mut 1,65 kr.-inik akeqarsimavoq, ukiup siuliani 1,62 kr.-inik akeqarsimasoq, 1,9 pct.-imik qaffassimalluni. Ungasianit kissamut aki taamaaginnarsimavoq kWh-imut 0,74 kr.-imik akeqarsimalluni.
Titartagaq 41. Angerlarsimaffinnut nukissiuutit akii (akit ingerlaavartut)
|
Najoqqutaq: Polaroil aamma Nukissiorfiit |
Titartakkami 42-mi 2020-mi angerlarsimaffinni nukissiuutit akii takuneqarsinnaapput, taakku atuisunut akinut naleqqersuutip qaffasissussaanit akit ingerlaavartut peerlugit suliaapput.
2020-mi motorbenzinap akia 0,1 pct.-imik apparpoq 2019-imut sanilliullugu. Piffissami tassani gasoliap akia 0,2 pct.-imik apparpoq.
Akit aalajangersimasut tunngavigalugit benzinap akia ulumikkut qaffasinneruvoq ukiunut 10-15-inut sanilliullugu. 1980-ikkunnilu motorbenzina akisunerusimavoq, taamani 1978-imi oliamik ajalusoorujussuarnerup kingunerisaanik oliap akia qaffarujussuaqqasimanera suli sunniuteqarsimammat. 1983-imi olia literimut 5,50 kr.-eqarsimavoq, ullutsinni aningaasat nalingi atorlugit 14,60 kr.-iulluni. Taamanikkut biilit literimut atortagaat maanna atorneqartartumit marloriaatingajaavoq. Ukiuni kingullerni benzina akisusimagaluartoq, 1980-ikkunni 1990-ikkunnilu inoqutigiinnut akisunerungaatsiarsimavoq.
Titartagaq 42. Angerlarsimaffinnut nukissiuutit akii (akit aalajangersimasut 2020)
|
Najoqqutaq: Polaroil, Nukissiorfiit aamma Naatsorsueqqissaartarfik |
2004-ap naanerani innaallagiamut, imermut kissamullu akit atuisunut assigiipput. 2005-ip aallartinnerani assigiimmik akeqartitsineq taarseriartorneqalerpoq, akit illoqarfimmiit illoqarfimmut aamma nunaqarfimmiit nunaqarfimmut assigiikkunnaarput. Nukissiorfiit qullernut nukissiornermullu atortussamik innaallagiamik akigisaqarnermit isertitaat tamarmiusut tunisaanik agguarlugit, agguarlugit akit nassaarineqarput. Innaallagiaq aamma imeq aalisakkerivinnut atuisunit akikinnerusunngorlugit Nukissiorfimmit akigineqartarput.